வணக்கம் .
நேற்றைய சந்தையில் நிபிட்டி நேற்று முன் தினம் போலவே மதியம் முடிந்தவரை சந்தையினை நிலை நிறுத்த பார்த்தனர் . ஆனால் முடியவில்லை பின்னர் சந்தைகள் வழக்கம் போல 2.30 மணிக்கு மேல் சரியா துவங்கின . பின்னர் கடகட வென சரிந்து குறைந்த பட்ச அளவாக 4951 புள்ளிகளை தொட்டு விட்டு பின்னர் சந்தைகள் மேல் எழும்பி வந்தன ..

நேற்றைய தினம் வந்த இந்த சரிவு யாரும் எதிர் பார்க்காதது . ஏன் என்றால் அந்நிய முதலீட்டாளர்கள் மற்றும் ஆபரேட்டர்கள் இன்னும் வாங்கும் படலத்திலேயே உள்ளனர் ஆதலால் சந்தைகள் இறங்க வாய்ப்புகள் குறைவாகத்தான் இருந்தன . ஆனால் அதையும் மீறிய இந்த சரிவினையும் நுட்ப காரணிகளையும் வைத்து பார்த்தால் நேற்று முன்தினம் சந்தைகள் அதிக பட்சமாக 5043 புள்ளிகள் வரை சென்றன .

அது 5012 நிலைகளுக்கு மேல் எடுக்கப்பட்ட ஸ்டாப் லாஸ் என்று கருதலாம் . நேற்றைய சந்தையில் அதே போல 4951 வரை வந்ததில் லாங் நிலைகளுக்கான ஸ்டாப் லாஸ் எடுக்கப்பட்டுள்ளதாக கருதுகிறேன் .

மேலும் நேற்றைய ஆசியா சந்தைகள் சற்று பிளாட் நிலைகளிலேயே வர்த்தகத்தினை முடித்துக்கொண்டன . மதியம் துவங்கிய ஐரோப்பிய சந்தைகளும் அதே போல பிளாட் நிலைகளிலேயே வர்த்தகத்தினை முடித்துக்கொண்டன .

நேற்றைய அமெரிக்கா சந்தைகள் துவக்கம் சற்று குழப்பத்திலேயே துவங்கின . பின்னர் அங்கு வந்த லாபத்தினை உறுதி செய்தலால் சந்தைகள் மட்டுமல்ல கச்சா என்னை , மெட்டல் சம்பந்தமான கமாடிட்டி பொருட்களும் சரிந்தன ,சந்தைகளும் சிறிதளவு சரிந்தன .

முடிவில் அமெரிக்கா சந்தைகள் 0.75 % - 1% வரை சரிவில் முடிந்தன . அமெரிக்கா மற்றும் உலக சந்தைகள் அனைத்தும் உயர்வுகளில் தடுமாறுவதை போன ஒரு வாரகாலமாக அனைத்து பதிவில் குறிப்பிட்டே வந்துள்ளேன் .

இன்றைய ஆசியா சந்தைகள் டவ் இன் சரிவின் துவக்கத்தினை வைத்து ஆசியா சந்தைகள் முழுவதும் லாபத்தினை உறுதி செய்வார்கள் என்று எதிர் பார்க்கிறேன் , மேலும் இன்று F& O கடைசி வர்த்தக தினம் மேலும் இன்பிலேசன் அறிவிப்புகள் என சந்தைகள் மூவ்மென்ட் சற்று குறைவாக இருக்கும் என கருதுகிறேன் . மேலும் இன்ற சந்தையில் நிபிட்டி கடைசி ஆதரவு நிலையாக கருதும் 4910 நிலைகளை உடைந்தால் சந்தையின் பலவீனம் உறுதி செய்யப்படும் .( இந்த F & O முடிவிற்கு மட்டும் )

கவனமாக இருங்கள் சந்தைகள் இன்றைய வர்த்தகத்தில் 4980 நிலைகளை தாண்டாத பட்சத்தில் உறுதியாக சந்தைகளில் சரிவுகள் வரலாம் .

எதற்கும் தினசரி வர்த்தகர்கள் சும்மா இருங்கள் .. சந்தையை விட்டு விலகி

நன்றி

குறிப்பு : -

எப்பொழுதும் F & o வர்த்தகத்தின் கடைசி இரு தினங்கள் நுட்ப காரணி மற்றும் வரைபடங்களை வைத்தோ அல்லது பண்டமண்டல் செய்திகளை வைத்தோ சந்தைகளின் நகர்வுகள் இருக்காது . மேலும் நான் கொடுக்கும் ஸ்டாப் லாஸ் புள்ளிகள் நீங்கள் சந்தையில் இழப்பினை குறைக்க மற்றும் வெளியேற மட்டும் வர்த்தகத்திற்கு அல்ல .

மற்றும் இலக்குகளும் சில சமயம்
உறுதியாக கூறும் இலக்குகள் வந்தடையாமலும் போகலாம் .

எனது பதிவினை பார்த்து பயன் பெரும் மற்றும் எனது பதிவுகளுக்கு வாக்களித்து வரும்
TAMILSIH , ULAVU ,TAMIL MANAM , NEWS PAANAI , N TAMIL வாசகர்களுக்கு எனது அன்பார்ந்த நன்றியினை தெரிவித்துக் கொள்கிறேன் . இந்த வலை தள நிவகிகளுக்கும் மனமார்ந்த நன்றி ..

மேலும் என்னை ஊக்கப்படுத்துங்கள் நண்பர்களே @@@

அன்புடன்

ரமேஷ்